Gjaldskrárbreytingar um áramót

Kæru foreldrar

Á 29. fundi bæjarstjórnar, 14. desember 2016, var samþykkt að breyta gjaldskrá fyrir leikskóla, mat í leikskólum, skólavistun og skólamat í grunnskólum frá og með 1. janúar 2017. Gjaldskráin verður aðgengileg á heimasíðu Árborgar um áramót.

Um áramótin verður tekið upp nýtt kerfi sem felur í sér að leikskólastjórnendur gera alla reikninga, þeir fara síðan í Ráðhúsið sem sendir þá til innheimtu.

Við viljum einnig minna á að ef foreldrar/forráðamenn óski eftir að breyta dvalartíma og eða/kaupum á mat/hressingu verða þeir að tilkynna það viðkomandi leikskólastjóra eigi síðar en 15. hvers mánaðar. Breyting á gjaldtöku tekur þá gildi næstu mánaðamót á eftir.

Innritunarferli leikskólanna verður frá næsta vori rafrænt í gegnum Mín Árborg og leikskólastjórnendur sjá þá um innritun nýrra nemenda.

Ef einhverjar spurningar vakna þá hvetjum við ykkur til að hafa samband við leikskólastjóra.

Jólakveðja

Við óskum ykkur öllum gleðilegra jóla og farsæls komandi árs.

Bestu þakkir fyrir ánægjulegt samstarf á liðnu ári.

Megi komandi ár verða farsælt og gjöfult í leik og starfi.

Hafið það gott um jól og áramót.

Jólakveðja

Starfsfólk Jötunheima

Jólaball 2016

Í dag voru litlu jólin hjá okkur í Jötunheimum. Í hádegismat fengum við ofsalega góðan jólamat að borða.

Jólaböllin byrjuðu síðan klukkan 13:15 hjá eldri deildunum og 14:15 hjá yngri deildunum. Á bæði böllin komu fjórir skemmtilegir jólasveinar sem gáfu okkur mandarínur. Hér eru nokkrar myndir frá jólaböllunum.

Rauður dagur og foreldrakaffi 2016

Í dag var rauður dagur í Jötunheimum fóru allir í „rauða“ jólasöngstund í salnum.

Dagurinn endaði síðan á yndislegu foreldrakaffi þar sem við gæddum okkur á smákökum sem börnin höfðu bakað.

Jólaglugginn í Jötunheimum 2016

Í morgun opnuðum við í Jötunheimum Jólagluggann okkar. Við fengum stafinn D 🙂

img_1540 img_1543 img_1545 img_1551

Heimsókn í Jötunheima

Í dag fengum við heimsókn frá Martin Haferkamp sem er þýskur leikskólakennari og er í náms- og kynnisferð hér á Íslandi. Börnin sýndu honum hvernig starfið okkar gengur fyrir sig og var hann ofsalega ánægður.

 

Dagur íslenskrar tungu og afmæli Lubba

Degi íslenskrar tungu 2016 var fagnað í leikskólanum á ýmsan hátt en það sem stóð uppúr að mati barnanna var afmæli Lubba. Lubbi okkar varð 5 ára og í tilefni dagsins komu allir saman í lopapeysum inn í sal og sungu nokkur vel valin lög. Hér eru nokkrar myndir frá viðburðinum.

img_0147 img_0148 img_0149 img_0150 img_0151 img_0152 img_0153 img_0154 img_0155

Í dag fengu elstu börnin góða heimsókn frá Brunavörnum Árnessýslu. Þeir sýndu okkur búnaðinn sem slökkvuliðsmenn þurfa að bera og síðan fengum við fræðslu um brunamál. Eftir heimsóknina fengum við viðurkenningarskjöl og hófumst við strax handa við að leysa þrautirnar. Hér er að líta nokkrar myndir frá heimsókninni.

img_1401 img_1404 img_1406 img_1410 img_1416 img_1421 img_1422

Kæru börn og foreldrar

Leikskólinn verður lokaður fimmtudaginn 17. nóvember  2016 vegna starfsdags.

Dagskrá:

  • Fyrirlestur og fræðsla um flogaveiki – Anna Margrét Magnúsdóttir, hjúkrunarfræðingur.
  • Námskeið í Lubba – Eyrún Ísfold, talmeinafræðingur.
  • Trúnaðarmenn FL og FOSS með kynningar fyrir sína félagsmenn.
  • Þróunarverkefnið Námsmat á mörkum skólastiga – Rúnar Sigþórsson, prófessor í HA og Anna Elísa Hreiðarsdóttir, lektor í HA.
  • Kveðja leikskólastjóri

Leikskólinn lokar 13:30 á mánudaginn 24.október 2016

Kæru foreldrar og fjölskyldur

Jötunheimar verða lokaðir á mánudaginn 24. október 2016 frá kl. 13:30 vegna samstöðufundar á Austurvelli í Reykjavík kl. 15:00. Hér fyrir neðan eru meiri upplýsingar.

 

KVENNAFRÍ 2016 – KJARAJAFNRÉTTI STRAX!

Mánudaginn næstkomandi, þann 24. október 2016, eru konur hvattar til að leggja niður vinnu kl. 14:38, mæta á samstöðufundi og/eða taka þátt á táknræna hátt í samstöðu um kröfuna um „kjarajafnrétti strax“. Útifundir verða haldnir á Austurvelli í Reykjavík og Ráðhústorgi á Akureyri.

Á vef viðburðarins, www.kvennafri.is, segir meðal annars: „Meðalatvinnutekjur kvenna eru 70,3% af meðalatvinnutekjum karla. Konur eru því með 29,7% lægri tekjur að meðaltali. Samkvæmt því hafa konur unnið fyrir sínum launum eftir 5 klukkustundir og 38 mínútur miðað við fullan vinnudag frá kl. 9–17. Daglegum vinnuskyldum kvenna er því lokið kl. 14:38.

Þann 24. október árið 1975 lögðu konur um allt land niður vinnu til að sýna fram á mikilvægi vinnuframlags kvenna fyrir þjóðfélagið. Árið 1985 héldum við upp á kvennafrídaginn í annað sinn og aftur lögðu 25.000 konur niður vinnu. Árið 2005 héldum við upp á kvennafrídaginn í þriðja sinn og konur gengu í tugþúsunda tali út af vinnustað á þeirri mínútu þegar þær hættu að fá borgað fyrir störf sín miðað við karla. Þá gengu konur út klukkan 14:08. Árið 2010 gengu konur út klukkan 14:25.

Nú göngum við út klukkan 14:38. Við höfum grætt hálftíma á ellefu árum. Tæplega þrjár mínútur á hverju ári. Með þessu áframhaldi þurfum við að bíða í 52 ár eftir að hafa sömu laun og sömu kjör og karlar, til ársins 2068! Það er óásættanlegt!“.

Kennarasamband Íslands hvetur sveitarfélög til að sýna konum stuðning í baráttunni fyrir jöfnum kjörum og gera starfskonum sveitarfélaganna kleift að taka þátt í viðburðum dagsins. Það mætti til dæmis gera með því að hvetja karla, feður, afa, bræður og frændur, til að sækja börn í skóla og frístund kl. 14 þennan dag.

Að fundinum standa samtök launafólks og samtök kvenna: Alþýðusamband Íslands, BSRB, Bandalag háskólamanna, Kennarasamband Íslands og Samtök starfsmanna fjármálafyrirtækja, Aflið, Bandalag kvenna í Reykjavík, Bríet – félag ungra feminista, Delta Kappa Gamma, Druslubækur og doðrantar, Druslugangan, Dziewuchy Dziewuchom Islandia – Konur konum Ísland, Í kjölfar Bríetar, Jafnréttisfélag Háskólans í Reykjavík, Femínistafélag Háskóla Íslands, Femínistafélag Íslands, Félag kvenna í atvinnulífinu, Kítón – Konur í tónlist, Knúz.is, Kvenfélagasamband Íslands, Kvennahreyfing Samfylkingarinnar, Kvennahreyfing Viðreisnar, Kvennahreyfing ÖBÍ, Kvennaráðgjöfin, Kvenréttindafélag Íslands, Landssamband Framsóknarkvenna, Landssamband Sjálfstæðiskvenna, Rótin, Samtök kvenna af erlendum uppruna, Samtök um kvennaathvarf, Samtökin ’78, Soroptimistasamband Íslands, Sólstafir, Stígamót, Tabú, UNWomen, WIFT – Konur í kvikmyndum og sjónvarpi og Zontasamband Íslands.

 

Kærar kveðjur

Starfsfólk Jötunheimar