Um Jötunheima

IMG_0464

Norðurhólum 3 | 800 Selfoss
480 6370
jotunheimar@arborg.is

Leikskólastjóri: Júlíana Tyrfingsdóttir | julianat@arborg.is
Aðstoðarleikskólastjóri: Birna Guðrún Jónsdóttir | birnagj@arborg.is

Leikskólinn Jötunheimar hóf starfsemi sína 8. september 2008 í 980 fm. húsnæði við sameiningu leikskólanna Glaðheima og Ásheima í nýju húsnæði. Húsnæði og búnaður leikskólans er sniðinn að þörfum barna og starfsmanna og því starfi sem þar fer fram. Umhverfi leikskólans býður upp á góðar gönguleiðir og í næsta nágrenni skólans er skógur þar sem hægt er að fara í vettvangsferðir. Leikföng og efniviður leikskólans eru fjölbreytt og hægt er að nota þau á margvíslegan hátt í leik og skapandi starfi. Skólastarf Jötunheima byggir á lögum um leikskóla nr. 90/2008 með breytingum sem tóku gildi 8. apríl 2009 og Aðalnámskrá leikskóla sem gefin var út í febrúar 2012.

Leikskólinn er 6 deilda, þrjár deildir yngri barna og þrjár deildir eldri barna. Deildum og öðrum vistarverum voru gefin nöfn gamalla húsa í sveitarfélaginu Árborg. Samtals tekur leikskólahúsnæðið 135 börn þegar fyllt hefur verið í öll pláss. Rekstraraðili er Sveitarfélagið Árborg.

Teikning af Jötunheimum

Teikning af Jötunheimum

Markmið leikskólans
Jötunheimar er heilsueflandi leikskóli. Leiðarljós leikskólans er Leikurinn á vísdóm veit og lögð er áhersla á að þau komi fram í öllu daglegu starfi. Markmið okkar er að öll börn fái að njóta sín á eigin forsendum og getu. Mikilvægt er að börnin fái góðan og samfelldan tíma til leikja og áhersla er lögð á sjálfstæði barnsins til að tjá sig í leik og starfi. Það er meðal annars gert í gegnum skapandi starf, málrækt, hreyfingu og með jákvæðum samskiptum.

Kennsluaðferð leikskólans
Áhersla er á leikinn og að barnið læri í gegnum leik. Fullorðnir eiga að vera leiðbeinandi og styðja börnin í þekkingarleit sinni og gefa þeim nægan tíma til að leysa þau verkefni sem þau eru að fást við.