Leikskólataskan

Það er markmið okkar hér í leikskólanum að börnunum líði sem best í leik og starfi. Til þess að þeim líði vel er nauðsynlegt að klæðnaður þeirra sé þægilegur og uppfylli þær kröfur að barninu sé hlýtt, það sé þurrt og fötin hefti það ekki við leik.

Útiföt þurfa að vera þægileg og helst þannig að barnið geti hjálpað sér sem mest sjálft.
Á suðurlandi er allra veðra von þannig að það er nauðsynlegt að hafa föt við hæfi í leikskólanum.
Í leikskóla eru börn að leika sér. Þau eru að föndra, borða, þvo sér og leika úti. Í þessum verkefnum geta fötin blotnað eða orðið skítug.    Þess vegna er mikilvægt að börnin séu með föt til skiptanna.

Hér er listi yfir það sem við teljum að nauðsynlegt sé að hafa í leikskólanum. Við skiptum þessum lista í tvennt.
Munið að merkja fötin vel, því við getum ekki þekkt hver á hvað þar sem í leikskólanum eru um 100 börn og mörg þeirra eiga eins föt.

Fylgist líka vel með hvað fer úr skjóðunni og munið eftir að taka blaut/óhrein föt með heim eftir hvern dag.

Einnig er mikilvægt að athuga hvort skór/kuldaskór/vaðstígvél og útigalli/regngalli séu blaut.

 

Listi

Útiföt

  • Pollagalli
  • Kuldagalli
  • Hlý peysa
  • Húfa
  • Ullarsokkar
  • 2 -3 pör af vettlingum
  • Kuldaskór yfir vetrartímann
  • Vaðstígvél
  • Léttir skór yfir sumartímann
  • Létt húfa eða buff yfir sumartímann.

Aukaföt

  • Buxur
  • Nærföt eftir þörfum
  • Sokkar
  • Sokkabuxur
  • Peysa
  • Ef barnið er að hætta með bleyju þarf að bæta við aukafötum meðan það gengur yfir