Síðasta skólaár tók leikskólinn Jötunheimar, ásamt hinum leikskólum Árborgar, þátt í þróunarverkefni sem styrkt var að Sprotasjóði.

Markmið verkefnisins er þríþætt og tengist innleiðingu ákvæða laga um samþætta þjónustu í þágu farsældar barna nr. 86/2021 með áherslu á grunnþjónustu leikskóla í stigskiptri farsældarþjónustu.

• Vinna að því að byggja upp farsælt samstarf milli foreldra og starfsfólks í leikskólum í takt við stigskipta farsældarþjónustu
• Þróa leiðir til að efla félags- og tilfinningahæfni barna í leik og daglegu starfi og hlúa að vináttu þeirra og samskiptum
• Þróa margvíslegar aðferðir og leiðir til að nálgast sjónarmið barna sem lið í innra mati leikskólans og virkja áhrifamátt þeirra í daglegu starfi og leik.

Leikskólinn Jötunheimar valdi að vinna að öllum markmiðum verkefnisins. Unnið var að því að gefa sjálfsprottnum leik meiri tíma og að lesa betur í barnahópinn. Leikefni var gert aðgengilegra og meira frelsi gefið um efnivið og viðfangsefni. Rýnt var í félagsfærni barna, líðan og samskipti í leik. Þá var skoðað hvernig hægt væri að fá foreldra til að meta líðan eigin barna og efla þau í þátttöku í þeim verkefnum sem boðið er uppá í leikskólanum. Gera starfið og námsþætti sýnilegt fyrir foreldra, gæta þess að allt starfsfólk sé meðvitað um starfshætti, markmið og gildi sjálfsprottna leiksins.

Stjórnendur telja að veturinn hafi mótað fyrstu skref í þeirri vegferð þeirra að hlúa að félags- og tilfinningahæfni barna og auka þátttöku þeirra í leikskólastarfi. Telja þeir starfsfólk vera betur í stakk búin að takast á við þetta hlutverk sitt í að styðja börn í leik og samveru og veita þeim fjölmörg tækifæri í daglegu starfi til að taka þátt.

Hér að neðan má lesa loka skýrslu verkefnisins

Lokaskýrsla til Sprotasjóðs Árborg 2024