Nú fer senn að líða að lokum þessa skólaárs en leikskólinn lokar vegna sumarleyfis miðvikudaginn 5. júlí kl. 13:00.
Þetta skólaár hefur verið gjöfult og lærdómsríkt og höfum við séð börnin blómstra og dafna í fjálsum leik og lærdómsríku umhverfi leikskólans. Finna má aukna spennu þessa síðustu daga hjá þeim sem ýmist eru að hefja grunnskólagöngu nú í haust eða að flytjast yfir á nýja deild.
Næsta haust bíður okkar með spennandi verkefnum og má meðal annars nefna opnun tveggja leikskóladeilda við Heiðarstekk 10 og sameiginlegt þróunarverkefni allra leikskólanna í Árborg með áherslu á félags-og tilfinningaþroska barna.
Þessa síðustu daga fyrir sumarleyfi er gott að skoða vel hvort eitthvað tilheyri ykkar barni í óskilamuna hólfum deildanna. Einnig er mikilvægt að taka með öll útiföt, aukaföt, hvíldarbangsar, snuddur og bleyjur heim yfir sumarleyfið.
Við vonum að þið eigið ljúft sumarfrí og njótið samverunnar. Við hvetjum ykkur til að kíkja á leikskólalóðina okkar að leika og kíkja á hreyfihringinn okkar sem er á kofanum.
Við sjáumst hress og kát fimmtudaginn 10. ágúst kl. 13:00.