Vor í Árborg

Þann 10. maí munu elstu börnin okkar ferðast til Sólvalla á Eyrarbakka og Kumbaravogs á Stokkseyri og syngja þar ásamt börnum frá Árbæ, Æskukoti og Brimveri. Svo mun allur elsti árgangur leikskóla í Árborg sameinast í söng við ráðhúsið kl. 11.

Námsferð starfsfólks

Í lok apríl verður leikskólinn lokaður vegna námsferðar starfsfólks. Miðvikudaginn 24. apríl lokar leikskólinn kl. 12.00, fimmtudagurinn er svo Sumardagurinn fyrsti, lokað er á föstudeginum 26. og mánudeginum 29. apríl.

Vorskóli

Nú eru að hefjast vorskólar hjá elsta árgangnum en þar fá börnin að kynnast skólanum sínum og skólastarfinu.

Vorskóli Vallaskóla er 9. og 10. apríl kl. 13:20 – 15:20

Vorskóli Sunnulækjarskóla er 15. og 16. apríl, kl. 13:15 – 15:15

 

Fleiri leiksýningar

Nú er komið að leiksýningum eldri deildanna.

Fagurgerði tekur af skarið og sýningin þeirra verður mánudaginn 18. febrúar kl. 13:30.

Sólbakki er næst og sýnir miðvikudaginn 20. febrúar kl. 14:00.

Sunnuhvoll endar svo með sýningu fimmtudaginn 21. febrúar kl. 13:30.

Við bjóðum fjölskyldur barnanna velkomnar.

Starfmannafundur 19. febrúar

Þann 19. febrúar verður leikskólinn lokaður frá 8-12 vegna fundar starfsfólks. Leikskólinn opnar þá kl. 12 með hádegismat.

Bolludagur, sprengidagur og öskudagur

Dagana 11., 12. og 13. febrúar eru bolludagur, sprengidagur og öskudagur og eru þeir haldnir hátíðlegir samkvæmt hefðum hér í Jötunheimum.    (meira…)

Leiksýningar

Nú er komið að leiksýningum barnanna. Fjölskyldum er þá boðið að koma í salinn að sjá leiksýningu hjá börnunum.

(meira…)

Vinakeðja

 

Að tilefni vinavikunnar 21. – 25. janúar bjuggum við til vinakeðju.

24.01.13 002     24.01.13 003 (meira…)

Þorrablót 25. janúar

Þann 25. janúar er bóndadagur og þá höfum við Þorrablót með tilheyrandi þorramat. Samkvæmt venju er þá svartur dagur og kennarar sýna leikrit fyrir börnin í sal.

Dimmustund

Fimmtudaginn 10. janúar verður dimmustund hjá okkur á Jötunheimum. Þá verða öll ljós slökkt á milli 8 og 10. Börnin mega koma með vasaljós með sér en þá er betra að þau séu merkt.