Kynningarfundir fyrir foreldra 2016

Kynningarfundir fyrir foreldra eru eftirfarandi:

20. september 2016, kl. 8:10 Sólbakki

21. september 2016, kl. 8:10 Fossmúli

22. september 2016, kl. 8:10 Sunnuhvoll

23. september 2016, kl. 8:10 Fagurgerði

27. september 2016, kl. 8:10 Merkiland

29. september 2016, kl. 8:10 Aðalból

Læsissáttmáli – Kynning fyrir foreldra.

Kynning fyrir foreldra í Árborg.

Fimmtudaginn 1.september kl 18:00 í Vallaskóla.

Vilt þú vita hvað þú getur gert til þess að stuðla að bættu læsi barnsins þíns?

Vonumst til að sjá sem flesta.

Kynning á læsissáttmála fyrir foreldra

Björgunarsveitahundurinn Breki kom í heimsókn

Í morgun kom björgunarsveitahundurinn Breki og þjálfarinn hans hún Hafdís í heimsókn til okkar í Jötunheima. Hafdís sagði okkur frá Breka en hann er þjálfaður sem leitarhundur og er á útkallslista björgunarsveitanna. Nokkrir krakkar fengu að fela sig og láta Breka leita af þeim sem vakti mikla lukku meðal áhorfenda. Hann sýndi einnig ýmsar listir. Í lokin fengum við síðan öll að kasta boltanum hans og láta hann sækja. Takk kærlega fyrir komuna og við vonum að við munum fá ykkur aftur í heimsókn í Jötunheima. Við látum nokkrar myndir fylgja með fréttinni. Björgunarsveitahundur 038 Björgunarsveitahundur 045 Björgunarsveitahundur 046

Jóhann Hlynur og Eva Sól fengu að fela sig

Jóhann Hlynur og Eva Sól fengu að fela sig

Einar Ben og Erla Björt fengu að fela sig

Einar Ben og Erla Björt fengu að fela sig

Breki að sýna listir sínar

Breki að sýna listir sínar

Björgunarsveitahundur 076

Þetta er Breki

Þetta er Breki

Björgunarsveitahundur 094

Starfsdagur 8:00-12:00 18.ágúst n.k.

Leikskólinn verður lokaður fimmtudaginn 18. ágúst vegna starfsdags kennara til klukkan 12:00. Þá opnum við og bjóðum upp á léttan hádegisverð.

Sirkus Íslands

Sircus Ísland 001 Sircus Ísland 002 Sircus Ísland 003 Sircus Ísland 004Í morgun kom Sirkus Íslands til okkar í boði foreldrafélagsins. Tveir hressir sirkuslistamenn mættu hingað með glens, grín og ótrúlega flott sirkusbrögð. Börnin voru ótrúlega ánægð með sýninguna. Hér eru nokkrar myndir frá sýningunni.

 

Leikskólinn Jötunheimar auglýsir eftirfarandi stöður lausar til umsóknar

Sérkennslustjóri

Leikskólinn Jötunheimar auglýsir eftir sérkennslustjóra í 80% starfshlutfall frá og með 4. ágúst 2016.  Leitað er að áhugasömum og metnaðarfullum einstaklingi sem er fær um að taka að sér umsjón með sérkennslu, stjórnunarlega ábyrgð og þátttöku í stjórnunarteymi.

Meginverkefni:

  • Starfar samkvæmt lögum og reglugerð um leikskóla, lögum um málefni fatlaðra, öðrum lögum er við eiga, aðalnámskrá leikskóla og skólastefnu Árborgar.
  • Faglegur umsjónarmaður sérkennslu í leikskólanum og veitir ráðgjöf til annarra starfsmanna leikskólans.
  • Hefur yfirumsjón með gerð verkefna og ber ábyrgð á gerð einstaklingsnámskráa fyrir börn sem njóta sérkennslu.
  • Veita foreldrum/forráðamönnum barna stuðning, fræðslu og ráðgjöf.
  • Þátttaka í stefnumörkun skólans ásamt stjórnunarteymi og öðru samstarfsfólki.

Menntun og hæfniskröfur:

  • Leikskólakennaramenntun
  • Framhaldsmenntun í sérkennslufræðum og/eða reynsla af sérkennslu
  • Sýni jákvæðni, frumkvæði og samstarfsvilja.
  • Góð færni í mannlegum samskiptum.
  • Reynsla, áhugi og hæfni í starfi með börnum.
  • Góðir skipulagshæfileikar
  • Færni til að tjá sig í ræðu og riti.

 

Leikskólakennarar

Um er að ræða 100% stöður frá og með 4. ágúst 2016. Helstu verkefni og ábyrgð leikskólakennara er að vinna að uppeldi og menntun leikskólabarna samkvæmt starfslýsingu leikskólakennara.

Menntun og færnikröfur:

  • Leikskólakennararéttindi
  • Jákvæðni, frumkvæði og samstarfsvilji
  • Færni í mannlegum samskiptum
  • Áhugi, reynsla og hæfni í starfi með börnum
  • Góðir skipulagshæfileikar
  • Færni í að tjá sig í ræðu og riti

Frekari upplýsingar veitir Júlíana Tyrfingsdóttir, sími 480 6372 og áhugasamir geta sent umsóknir á netfangið julianat@arborg.is.

Umsóknarfrestur er til 16. maí 2016.

Störfin henta jafnt körlum sem konum og launakjör eru samkvæmt kjarasamningi Launanefndar sveitarfélaga og viðkomandi stéttarfélags.

Ef ekki fást leikskólakennarar í stöðurnar er öðrum uppeldismenntuðum einstaklingum bent á að sækja um. Hægt er að kynna sér leikskólastarfið á heimasíðu Jötunheima:  http://jotunheimar.arborg.is/

Elsti árgangur í söngferð

Elsti árgangur í söngferð

Í tilefni af hátíðinni Vor í Árborg fór elsti árgangurinn í Jötunheimum í söngferð um Árborg ásamt nemendum úr fleiri leikskólum. Fyrsti áfangastaður var Sólvellir á Eyrarbakka þar sem sungið var fyrir vistmenn og starfsfólk, síðan lá leiðin á Kumbaravog á Stokkseyri og að lokum var endað á Ráðhúsinu þar sem sungið var á tröppunum. Meðfylgjandi myndir voru teknar í ferðinni.

IMG_2077 IMG_2078 IMG_2081 IMG_2087 IMG_2088 IMG_2089 IMG_2090 IMG_2091

Orðaskil – málþroskapróf

Á haustmánuðum 2015 var tekin sú ákvörðun, á samstarfsfundi starfsfólks skólaþjónustu og leikskólastjóra, að á árinu 2016 yrði skimunartækjum í leikskólum  Árborgar fjölgað með því að taka í  notkun málþroskaprófið Orðaskil. Höfundur þess er  Elín Þöll Þórðardóttir, talmeina­fræðingur. 

Málþroska­­prófið byggir á orðaforðagátlista fyrir börn á aldrinum eins og hálfs til þriggja ára. Prófinu er ætlað að mæla orða­forða barn­a svo og hvort þau hafa náð valdi á beygingar­kerfi og setning­a­gerð. Skólar og skólaþjónusta í Árborg leggja áherslu á snemmtækt mat á stöðu barna með aukinni notkun skim­un­ar­­tækja í leik– og grunn­skólum og skipuleggja sem fyrst viðeigandi þjálfun og kennslu út frá niður­stöðum skimunarprófa. Þegar er byrjað að leggja Orðaskil fyrir og áætlað er að það verði gert einu sinni á leikskólagöngu barns á bilinu 2,9 ára til 3,0 ára. Ef barn mælist einu staðalfráviki eða meira frá meðaltali í orðaforða eða setningagerð jafnaldra er veitt viðeigandi íhlutun. Farið verður yfir niðurstöður í foreldraviðtölum.

Heilsugæslan á Selfossi vill minna foreldra á að panta tíma í þroskaskimun 2 ½ árs og 4 ára barna.

Ágætu foreldrar/forráðamenn 2 ½ árs og 4 ára barna

Heilsugæslan á Selfossi vill minna ykkur á að panta tíma fyrir börnin ykkar í þroskaskimun.

Í þessum skoðunum er lagt mat á vöxt og þroska barnsins og jafnframt er það sjónprófað og bólusett í 4 ára skoðuninni samkvæmt tilmælum embættis landlæknis.

Æskilegt er að barnið komi eitt með foreldri/um, til að tryggja sem best næði í skoðuninni. Gera má ráð fyrir að skoðunin taki um 60 mínútur.

Munið að taka með ykkur heilsufarsskrá og bólusetningaskírteini barnsins.

Bestu kveðjur

Anna Guðríður Gunnarsdóttir

Verkefnastjóri ung- og smábarnavernd Selfossi

Skólaheimsókn

Skólaheimsókn í Vallaskóla og Sunnlækjarskóla

Undanfarnar vikur hefur elsti árgangur Jötunheima eða börn fædd 2010 farið í heimsókn í báða grunnskóla bæjarins. Föstudaginn 12. febrúar síðastliðinn var Vallaskóli heimsóttur og  þriðjudaginn 16. febrúar lá svo leiðin í Sunnlækjarskóla. Í heimsóknunum fengu krakkarnir að fara í skoðunarferð um skólana, kíkja í kennslustundir, hitta nemendur og starfsfólk og leika sér í skólavistun. Krakkarnir skemmtu sér mjög vel og margt skemmtilegt að sjá og upplifa. Meðfylgjandi myndir voru teknar í heimsóknunum.

IMG_1644IMG_164320160216_113229l20160216_11321320160212_09454820160212_09475620160216_11221920160212_09480920160216_11221120160216_10342020160212_10084820160212_094503