Fréttasafn

Jólaball í Jötunheimum

20. desember, 2023

    Það var hátíðleg stund í Jötunheimum í morgun þegar árlegt jólaball fór fram.  Gengið var í kringum jólatréð á meðan vel valin jólalög ómuðu hvert af öðru.   Stórir og smáir tóku vel undir og voru sér og sínum til sóma.  Að loknum dansi og söng var boðið upp á mandarínur sem runnu ljúflega niður. Í hádeginu var svo dýrindis jólamatur á borðum og ekki annað að sjá en að allir væru að njóta stundarinnar. Takk fyrir dásamlega samveru öll sem eitt.  

Lesa Meira >>

Samfélagslöggan í heimsókn

28. október, 2024

Föstudaginn 25. október fengum við góða heimsókn í leikskólann okkar. Hingað komu tvær lögreglukonur ásamt honum Lúlla löggubangsa. Við fengum að hlusta á söguna um hann Lúlla og lærðum mikið […]

Lesa Meira >>

Farsæl börn í leikskóla

9. september, 2024

Síðasta skólaár tók leikskólinn Jötunheimar, ásamt hinum leikskólum Árborgar, þátt í þróunarverkefni sem styrkt var að Sprotasjóði. Markmið verkefnisins er þríþætt og tengist innleiðingu ákvæða laga um samþætta þjónustu í […]

Lesa Meira >>

Sumarkveðja

3. júlí, 2024

Leikskólinn Jötunheimar er lokaður frá og með klukkan 13:00 3. júlí og opum við aftur fimmtudaginn 8. ágúst kl. 13. Um leið og við þökkum fyrir samveruna og samstarfið á […]

Lesa Meira >>
Sjá allar fréttir
Fréttasafn

Ritrýnd fræðigrein um þróunarverkefni leikskólanna í Árborg

1. nóvember, 2024
Á síðasta skólaári tóku leikskólarnir í Árborg þátt í þróunarverkefni sem styrkt var af Sprotasjóði og fjallaði um félags- og tilfinningahæfni barna. Tveir rannsakendur frá Menntavísindasviði Háskóla Íslands komu að þróunarverkefninu og tóku þeir meðal annars rýnihópaviðtöl í upphafi og lok þróunarverkefnisins.
Félags- og tilfinningahæfni barna er mikilvægur þáttur í menntun leikskólabarna og undirstaða frekara náms og þátttöku í lýðræðissamfélagi. Markmið rannsóknarinnar var að skoða hvernig starfsfólk leikskóla þróaði leiðir til að styðja við félags- og tilfinningalegt nám barna í leik og daglegu starfi og hvernig hlúð er að vináttu þeirra og samskiptum. Tilgangurinn var því að varpa ljósi á hvernig hægt væri að styðja við félags- og tilfinningahæfni barna í leik og daglegu starfi í leikskólum.
Líta má á þróunarverkefnið sem mikilvægt upphaf fyrir þátttakendur til að innleiða og þróa áfram árangursríkar leiðir til að styðja við félags- og tilfinningalegt nám barna. Með áframhaldandi fræðslu og þjálfun starfsfólks, endurskoðun á skipulagi og rými leikskólans og auknu samstarfi við foreldra má stuðla að betri samskiptum, vináttu og vellíðan barna í leikskólum.
Skrifuð hefur verið ritrýnd grein um verkefnið og hvetjum við alla þá sem hafa áhuga á að fræðast meira um verkefnið að lesa hana hér að neðan:

Samfélagslöggan í heimsókn

28. október, 2024

Föstudaginn 25. október fengum við góða heimsókn í leikskólann okkar. Hingað komu tvær lögreglukonur ásamt honum Lúlla löggubangsa. Við fengum að hlusta á söguna um hann Lúlla og lærðum mikið af henni og má þar nefna umferðareglurnar, samfélagsreglur og hvert hlutverk lögreglunnar og annarra viðbragðsaðila er.

Börn fædd 2021 – 2023 fengu fræðslu um notkun endurskinsmerkja og mikilvægi þeirra. Börnunum bauðst að spyrja lögreglukonurnar spurninga og voru þau helst áhugasöm um að vita hvort þær hefðu komið á löggubílnum. Í lok heimsóknarinnar fengu börnin endurskinsmerki frá foreldrafélagi Jötunheima.

Börn fædd 2019 – 2020 fengu að hlusta á söguna um hann Lúlla og lærðum mikið af henni og má þar nefna umferðareglurnar, samfélagsreglur og hvert hlutverk lögreglunnar og annarra viðbragðsaðila er. Í lok heimsóknarinnar fengu börnin  við endurskinsmerki frá foreldrafélaginu og litabók frá lögreglunni.

Við þökkum samfélagslöggunni kærlega fyrir að koma og fræða okkur um notkun endurskinsmerkja og umferðarreglurnar. Jafnframt þökkum við foreldrafélagi Jötunheima fyrir endurskinsmerkin en þau koma sér vel í skammdeginu.

Sjá allar fréttir