Sólmyrkvi 20.mars kl. 9:37

Föstudagsmorgunin 20. mars verður sólmyrkvi á Íslandi. Í Árborg myrkvast u.þ.b. 98% sólarinnar og nær myrkvinn hámarki kl. 9:37 að morgni.

Við hér í leikskólanum fengum þrjú sólmyrkvagleraugu að gjöf frá Stjörnuskoðunarfélagi Seltjarnarness, Stjörnufræðivefnum og Hótel Rangá og kunnum við þeim okkar bestu þakkir.

Við hér erum meðvituð um að passa að börnin horfi ekki í sólina á meðan á myrkvanum stendur sem og aðra sólardaga.

Það þarf þó að koma fram að sólin er ekki sterkari þennan dag en aðra sólríka daga, það er bara auðveldara að horfa í hana og geislarnir eru jafn sterkir og venjulega.

Starfsmannafundur Jötunheima.

Í síðustu viku var leikskólinn lokaður vegna starfsmannafundar. Starfsmenn fóru á fyrirlestur hjá Þóru Másdóttur sem fjallaði m.a. um málþroska barna, niðurstöður doktorsrannsóknar Þóru og aðferðafræðina á bakvið málþroskaverkefnið Lubbi finnur málbein.

Lubbi

 

Lokað á morgun, 24. febrúar, vegna starfsmannafundar.

Leikskólinn verður lokaður milli 8 og 12 á morgun 24.febrúar. Þá er starfsmannafundur. Opnum aftur klukkan 12 og þá verður boðið uppá hádegismat

Ömmu og afa dagur

Í tilefni af degi leikskólans verður ömmu og afa dagur í leikskólanum Jötunheimum. Öllum ömmum og öfum er boðið að koma í heimsókn og dvelja með barninu í leik og starfi frá 9-11.

6. febrúar – Dagur leikskólans

Dagur leikskólans verður haldinn hátíðlegur í leikskólum landsins þann 6. febrúar. Þetta er í áttunda sinn sem dagurinn er haldinn hátíðlegur en 6. febrúar er merkisdagur í íslenskri leikskólasögu því á þessum degi árið 1950 stofnuðu frumkvöðlar leikskólakennara fyrstu samtök sín.

 

Starfsmannafundur 24.febrúar 8-12- Leikskólinn lokaður

Leikskólinn verður lokaður milli 8 og 12, 24.febrúar. Þá er starfsmannafundur. Opnum aftur klukkan 12 og þá verður boðið uppá hádegismat.

Þorrablót og svartur dagur

Í dag var Þorrablót í leikskólanum og svartur dagur. Klukkan 10 voru leiksýningar í salnum. Kennarar á eldri deildum leikskólans buðu uppá Fóa og Fóafeykirófa en starfsmenn yngri deilda Gullbrá og birnirnir þrír. Eftir það var sameiginlega söngstund í salnum. Í hádeginu var boðið upp á íslenskan þorramat. Góður dagur í alla staði.

SAM_3369 SAM_3375 SAM_3377 SAM_3379 SAM_3383 SAM_3387 SAM_3388 SAM_3400 SAM_3402 SAM_3407 SAM_3408 SAM_3409 SAM_3410 SAM_3414 SAM_3415 SAM_3416 SAM_3417 SAM_3418 SAM_3419

2.janúar – Starfsdagur -Lokað

Leikskólinn verður lokaður 2.janúar vegna starfsdags kennara. Sjáumst hress og kát 5 janúar

Gjaldskrárbreytingar um áramót

Á fundi bæjarstjórnar, 10. desember 2014, var samþykkt að breyta gjaldskrá fyrir skólavistun, leikskóla, mat í leikskólum og skólamat í grunnskólum frá og með 1. janúar 2015.

Gjald fyrir skólavistun og leikskóla hækkar um 2,7% og matargjaldið hækkar um 3,4%. Gjaldskrárnar verða aðgengilegar á heimasíðu Árborgar um áramót.

 

Jólakveðja

Við óskum ykkur öllum gleðilegra jóla og farsæls komandi árs.

Bestu þakkir fyrir ánægjulegt samstarf á liðnu ári.

Megi komandi ár verða farsælt og gjöfult í leik og starfi.

Hafið það gott um jól og áramót.

Jólakveðja

Starfsfólk Jötunheima.