Árný Ilse

miðvikudaginn 28, maí er grænn dagur hjá okkur í leikskólanum, gaman væru ef börnin kæmi með eða væru í einhverju grænu. Sama dag er líka sameiginleg söngstund í salnum.  

Hin árlega útskriftarferð elstu barna verður fimmtudaginn 22. maí. Lagt verður af stað frá leikskólanum klukkan 9 og er áætluð heimkoma milli 15:30 og 16:00.

Útskrift elstu barnanna verður að þessu sinni haldin í Sunnuklækjarskóla, í fjallasalnum, þriðjudaginn 13. maí klukkan 16:30.

Þann 23. Apríl kl. 11.15 er tveimur elstu árgöngum leikskólans boðið að koma í Íþróttahús Vallaskóla og hlusta á tónsöguna Maxímús Músíkús kætist í kór.  Það er Sinfóníuhljómsveit Íslands ásamt músinni skemmtilegu Maxímús Músíkús og sögumanni sem flytja.  Það er Menningarráð Suðurlands sem stendur fyrir þessu og kunnum við því bestu þakkir fyrir. 

Gaman væri ef börnin kæmu með eða væru í einhverju gulu í leikskólanum í dag 🙂

16. apríl sameinumst við öll í salnum og syngjum saman lög sem deildirnar hafa valið.

Börn fædd 2008 sem hafa verið innrituð í Vallaskóla komandi haust fara í vorskóla í Vallaskóla 8. og 9. apríl næstkomandi. Báða dagana eru þau frá 13:20 til 15:20. Börnin fá nesti með sér frá leikskólanum. Leikskólakennarar fylgja þeim í skólann og eru með þeim allan tímann.