Fréttir

Í dag var Þorrablót í leikskólanum og svartur dagur. Klukkan 10 voru leiksýningar í salnum. Kennarar á eldri deildum leikskólans buðu uppá Fóa og Fóafeykirófa en starfsmenn yngri deilda Gullbrá og birnirnir þrír. Eftir það var sameiginlega söngstund í salnum. Í hádeginu var boðið upp á íslenskan þorramat. Góður dagur í alla staði.

Á fundi bæjarstjórnar, 10. desember 2014, var samþykkt að breyta gjaldskrá fyrir skólavistun, leikskóla, mat í leikskólum og skólamat í grunnskólum frá og með 1. janúar 2015. Gjald fyrir skólavistun og leikskóla hækkar um 2,7% og matargjaldið hækkar um 3,4%. Gjaldskrárnar verða aðgengilegar á heimasíðu Árborgar um áramót.  

Við óskum ykkur öllum gleðilegra jóla og farsæls komandi árs. Bestu þakkir fyrir ánægjulegt samstarf á liðnu ári. Megi komandi ár verða farsælt og gjöfult í leik og starfi. Hafið það gott um jól og áramót. Jólakveðja Starfsfólk Jötunheima.  

Í dag var jólaball Jötunheima.

Í dag var foreldrakaffi hjá okkur í Jötunheimum frá 14-15:30. Öll börnin á leikskólanum höfðu bakað nokkrar sortir sem þau buðu foreldrum sínum uppá á sameiginlegu hlaðborði inní salnum okkar. Ofsalega góð mæting og notarleg stund.

Við í Jötunheimum opnuðum jólagluggann 10.desember 2014. Við fengum stafin L. Það voru elstu börnin sem sáu um að hanna og búa til gluggann í ár.

Í tilefni rauða dagsins í dag var sameiginleg jólasöngstund í salnum. Hver deild var búin að velja sitt jólalag til að syngja í salnum og Ingibjörg spilaði undir á gítar. Ofsalega skemmtilegt.